فلم الدراما العائلي Mourning Recipe "وصفة الحداد"

  




 إذا وجدتم أي رابط متعطل اخبروني في التعليقات وسأعيد الرفع فورًا 




أقدّم لكم فلم الدراما العائلي "وصفة الحداد" المُقتبس من رواية إيبوكي يوكي،
صدرت نسخة دراما قبل صدور الفلم عام 2011 بنفس الاسم من إنتاج قناة NHK.

 


الاسم بالعربية: وصفة الحِداد.

الاسم بالإنجليزية: Mourning Recipe.

الاسم باليابانية: 四十九日のレシピ.

النوع: درامي-عائلي.

تاريخ الإنتاج: 9 نوفمبر 2013.

إخراج: Tanada Yuki.



فقد أتسوتا ريوهي دافعه للعيش بعد وفاة زوجته المحبوبة أوتومي
وعادت ابنته يوريكو للمنزل بعد خيانة زوجها لها، في هذه الأثناء؛ 
تقتحم فتاة يافعة منزلهم فجأة لتريهم مذكّرة وصفات عيش
تركتها أوتومي خلفها لتُعيد لهم طعم الحياة مرةً أخرى.








  MEGA Google Drive - Okru





ملف الترجمة على subscene



*للمزيد من الأعمال المُترجمة للممثل "أوكادا ماساكي"

يُمكنكم زيارة هذه الصفحة (هنا)














تعليقات

  1. الله يسعدك ويعطيك العافية ما قصرتِ، كل الحب والدعم.

    ردحذف
  2. شكرا جزيلا فقدت الأمل من مشاهدة الفيلم بالترجمة العربية🙏♥️

    ردحذف
  3. أحلى اشي في الموضوع انه من زمان ما حضرت اي عمل من مدونتك الكيوت وما كنت مخططة شو احضر امبارح، اي فيلم، فاقترحت اختي انه نحضره وحضرناه وكتير استمتعنا فيه
    الحوارات اللي كانت في الفيلم رهيبة، صح زعلت انه ما اقتبست لو جملة هههه بس كنت مستمتعة في اي حديث كان يكون بين اتنين او حتى كلهم لانهم احلى من بعض حرفيا في علاقتهم
    طبعا اول قهمرة على دور ماساكي القليل، حسبي الله زكرني في ابنة النجوم كان مبين كتير في الاعلان بس دوره قليل وكمان بطل يبين وضل للفيلم مدة لا بأس بها... قهروني عنجد
    الBonita تبعنا ههههههههههه، كانت هادي من احلى المواقف، وحرفيا اول ما ظهر كنت شوية وراح انعس بس بطل يجيني النوم اول ما ظهر، عنجد ما الطف شخصيته، وضحكته كتير بضحك بس لزيزة، وعبقري جدا في الشخصية ما كنت متوقعة يكون هيك
    احلى مهجن في حياتنا، برازيلي ياباني، كلامه البطيء كتير ابدع فيه ولما يحكي كلمات برازيلية كان لزيز ولما حكالهم انه محترف في الاكل فعلا كنت احكي يا الله بحكيش معهم بس مركز في اكله، بس حزني لما كان يتعرض للتنمر، ولبسه الاصفر لابق على شخصيته كتير كتير
    فومي العسل، حبيبتي، صوتها اللزيز، هبلها، جرأتها بتحكي كل اشي وعادي عنها، كتير أثرت فيا، ولما تغيرت للاحسن اخر الفيلم حبيت هادا الاشي ولما ودعتهم وحكتله احكي اشي اخر مياو كتير كنت بدي ابكي، ولما لبسوا كلهم اللبلوزة البرازيلية ما الزهم وهما بيزبطوا في البيت، ولما حكالها الاب ما تخربي الشجر وتنزلي عليهم طلاء هههههه، وكنت كتير مبسوطة لانه حرفيا الي سنة ما حضرت ولا عمل لفومي، فكنت مشتاقلها كتير
    تايزو هارادا كتير حبيت اعماله من كزا فيلم واولهم ليال صغيرة حب صغير، وصرت ادور على الافلام اللي هوا فيها حتى لو دوره صغير كتير، وهان كتير كان واقعي، وكنت ادعي لما رجعلها يا رب ترضى وترجع معه، لانه مهما اللي عمله كان مخلص وبحبها ومش قادر يتخلى عنها، لانه اللي صار معه طبيعي، صح خانها بس سبحان الله ما قدر يتحكم في الاشي وهادي غريزته نفسه في ولد، ولما اكتشفت الي خلفت منه انه بكذب عليها عنجد قولت مش ناوي يطلقها ولا يسيبها ولو للحظة، وامه كمان ما قدرت تتخلى عنه وكتير بتحبها مش بس عشان كانت ترعاها لأ عشان شخصيتها
    رينجي ابو صوت عالي هههههه، عنجد سبحان الله كيف نبرة صوته، كتير شخصيته حبيتها، وكيف كان يفكر يغير حياة بنته وتنسى اللي صار معها، واحلى اشي عملها اياه لما خلاها تقص شعرها، وتركب السيارة ما ماساكي العسل، ما الطفه لما صار يعمل بالاشارات عشان مش قادر يحكيهم في الياباني، ما الطف ملامحه كانت زي الصغار حرفيا، ولما جابوا قصته مع زوجته كتير كان بريء وعفوي، قصته كلها انسانية وبسيطة
    نفسها اوتومي قصة لحالها، عنجد طول وانا بحضر الفيلم وانا بتزكر اكتر الكلمات المفضلة إلي "أَثَر" عنجد هيا كانت هيك بمعنى الكلمة، كل البراءة للي فيها كيف خلتها في ناس تانية عشان مش قادرة تخلف، اخر مشهد لما كتير كتير ناس اجو وعبو سيرتها الذاتية، للي فكرتها كتير عجبتني ونفسي اعملها لإلي لو اشي بسيط، عنجد ما احلى شخصيتها، وكيف بتعتز باي اشي، وقصة حبها اله كتير كتير مشاعرية، هو نفسه ناسي هادا الموقف بس هيا كانت معتزة فيه زي ما قالت فومي، اللي كانت تفاجئني باجوبتها المقنعة والواقعية، صح انها هبلة وكانت مخربة حياتها بس من الي شافته بتحكي حكم او اشياء فخمة
    هيرومي اللي فعليا حضرت الفيلم عشانها اول اشي بعدين ماساكي وفومي، هادي الممثلة دايما بعشق ادوراها وخصوصا من بعد ما حضرتلها امان حقيقيتان، يا الله دورها كان بخوت، وحسيت هان دورها بيشبهه من ناحية هدوئها وتفكيرها الحلو، وانها كمان ما بتخلف، بتخلي الواحد طول ما هوا بيحضر ويضلو يفكر فيها وفي الناس اللي حالتهم زيها، كتير كتير خلتني اتأثر من مشاعرها او حتى طريقة تفكيرها وقرارها في الحياة، وكيف بتواجه الناس، وعلاقتها مع ابوها كتير حلوة، ولما حكت اوكاسان اخر اشي قشعر بدني حرفيا، يا الله ضلتها طول سنين حياتها مش قادرة تحكيلها اوكاسان، ولما ماتت قدرت تحكيها، عنجد فيه اشياء الواحد بياخد وقت كبير لحتى يعرف يتعامل مع الوضع..
    كل موقف كان يصير معها يقطع قلبي، بس اكتر واحد خلص مش قادرة خلاني ادمع واسخسخخ من البكاء جواتي لما طعمت الولد واجت امه وحكتله الولاد في عمره خطر ياكله اشي في اعواد، ودغري رمت الاكل في الزبالة وروحت وكيف اعتذرت، حسيتها يا حرام عنجد حياتها فارغة وكتير حاولت تعمل اشي في حياتها بس ما كانت تقدر...
    الفيلم كتير حلو بمعنى الكلمة وبخلي الواحد يتعلق في كل واحد، وكيف عنجد ناس بتبين في فترة حياتنا وبتعمل تغير لو بسيط بس بتكون متركة ورائها أثر حلو يخلينا نحكيه لاخر يوم في حياتنا ويخلي الناس تحكي عنا
    شكرا كتير على الترجمة الحلوة دائماً ^_^
    بتمنى يكون تعليقي يعجبك رهوفة بعد طول غياب كبير على مدونتك :)



    ردحذف

إرسال تعليق