(إذا وجدتم أي رابط متعطل
اخبروني في التعليقات وسأعيد الرفع فورًا)
عيد أضحى مُبارك وكل عام وأنتم بخير ♡
أقدّم لكم فلم الدراما الرومانسي Whisper of the Heart همسُ القلب
(الفلم نسخة حية من المانغا التي تحمل نفس الاسم ويعد مُكمل لأحداث فلم الأنميشن من ستديو جيبلي الذي صدر في عام 1995)
يُمكن لمن لم يشاهد فلم الأنميشن أو المانغا أن يشاهد هذه النسخة لأنها تحتوي على مشاهد ذكريات مقتبسة من النسخة الأصلية.
*مُناسب للمشاهدة العائلية
الاسم بالعربية: همس القلب.
الاسم بالإنجليزية: Whisper of the Heart.
النوع: دراما - رومانسي- نسخة حية.
تاريخ الإنتاج: 14 أكتوبر 2022
إخراج: Yuichiro Hirakawa
مدة الفلم: 114 دقيقة (ساعة و45 دقيقة)
المانغا: Aoi Hiiragi
تقابل كلُّ من "شيزوكو" و "أماساوا سيجي" في المرحلة المتوسطة، وجمعتهما هواية قراءة الكتب ليقعا كلُّ منهما في حب الآخر.
مرت 10 سنوات على الوعد الذي قطعاه بأن يحققا حلميهما، أحدهما عازف تشيلو والأخرى كاتبة قصص، لكن تبدأ "شيزوكو" بعمر الـ 24 بالتخبّط في حلمها حتى أنها تفكر بالاستسلام منه دون تحقيق.
أحلى عيدية وأحلى ختام إجازة وأحلى بداية ليوليو شكرا جزيلًا!
ردحذفكل مرة بمثل فيها انه شخصية البطل لما يكون صغير وبيطلع شبهه فعلا بدون مبالغة، بحس فيه شغلة مش طبيعية..
ردحذفتسوباسا ناكاغاوا من الاطفال اللي كنت انبسط لما احصره سنة ورا سنة واشوفه يكبر، لوهلة بحسه ابني ويمكن اعمارنا نفس الشيء، عادي بسيطة😅 بس بضلني اتذكره وهو طفل وانبسط قديش كبر وتغيّر صوته للأحلى، وصار وسيم بزيادة وطويل، وتمثيله بتحسن اكتر واكتر
قلبي هادا الممثل، ما بصدق لما اشوفله اشي مترجم، بطير من السعادة،وهادا الفيلم شوفت اعلانه بالصدفة من موقع لما كنت ادورله على اعمال مترجمة، ولما شوفته ضليتني استنى فيه خصوصا انه مع توري العظيم كمان، دلع ما بعده دلع برأيي🤭🥰
وسبحان الله الفيلم مبين من اسمه وقصته، هيك خفيف لطيف نظيف.. وبالزبط طلع زي ما توقعته، اجواء هادية رايقة بتخلي الواحد يحس باشي ناعم لما يحضره.
تشيلو، وكاتبة، تسوباسا، وتوري، ايش بدي اكتر من هيك😊
واحلى مشهد خلاني طير لما كانت تغني ببداية الفيلم واول ما اجت كلمة طيور، ظهر توري😍 يا الله ما احلى المشاعر، عشان بعرف معنى الاسم من قبل ودايما بحب اسم توري ولفظه كتير، فمجرد ما سمعت بدون ما انظر للترجمة رفرفت حرفيا في مشاعري، الاشي كتير كيوت، والمشهد التاني لما اجته على إيطاليا وخلاها تغني ولما حكت كلمة توري كان بيطلع وهوا مبسوط، كان الي خاطر اشوف الكواليس كيف كان شعوره لما تحكي اسمه بالاغنية، كتير الاسي كيوت عنجد🐦🦜🪽
ولما بعتلها الرسالة وكتبلها كل مشاعره هوا أذاب قلبي مش بس قلبه ذاب لما حبها😄😁
ولما حكالها بالبداية سأكون قارئكِ الأول، رجعني لذكرياتي لما حكيت لاختي انا قارئتكِ الأولى، ولحتى الآن بتعتز بهادا الاشي وبضلها تحكيه لكتير ناس
ومن الاقتباسات اللي عجبتني:
"الحياة هبة، ولا أنوي هدرها".
عجبتني شخصيتها كتير هادي الممثلة، مع انها مش طايقة شغلها بس بتشتغل بأمانة وبتحكي رأيها بكل صراحة وواعية، ونبرة صوتها مع سرعة كلامها عاجباني كتير هان، لانه احيانا في افلام تانية كنت انزعج من نبرة صوتها ما بعرف ليش.
............
"أظن أن الأحلام لا تموت، بل تُغيّر قالبها".
من أروع ما قريته عن الأحلام..بتنبطق على أغلبنا.. كيف كنا نحلم باشي بس بنكون اشي قريب منه او خارج عنه تماما، بس المهم انه يكون عنا حلم نضل نسعى إليه لحتى نحس انه النا قيمة تعبر عن ذاتنا
...........
"ومع كل تعبير يرتسم على وجهك أثماء قرائتكِ للكتب، كنتُ أميل لكِ شيئاً فشيئاً، ودون إدراك.. بدأتُ بتخمين أي كتاب ستستعرينه تالياً".
توري اللي بشوفه في ادوار غريبة وفخمة ما توقعته هيك يعملي فراشات لما يكون هيكبحب ورومانسي بريء🥰 وملامحه اغلب الفيلم لطيفة لابعد الحدود
...........
ومن اكتر المشاهد اللي اندمجت معهم لدرجة نفسي ادخل جوا المشهد واكون معهم لماعزف توري بالشارع وكل الناس انضمن معه وصار مندمج ومبسوط وملامحه كانه طفل من السعادة، كان كتير مشهد حلو، بحب الموسيقة لما تحون بين الناس خصوصت بالشوارع او المطاعم.
شكراً لألطف Suzo Raffalleo وكل عام وانتي بخير، لانه صدفة شاهدت الفيلم بيوم ميلادك بس اسفة انه تعليقي راح يكون متأخر كتير..
اعذري الأوضاع اللي كنت فيها.
شكراً على الترجمة المتقنة🌸💚