إذا وجدتم أي رابط متعطل اخبروني في التعليقات وسأعيد الرفع فورًا
عدت لكم بترجمة فلم درامي إنساني بعد سبات دام 5 أشهر.
أنهيت ترجمة هذا الفلم بشهر ديسمبر 2021
لكن جودة الفلم المتوفرة كانت DVD فانتظرت حتى تتسرب جودة أفضل.
لكن جودة الفلم المتوفرة كانت DVD فانتظرت حتى تتسرب جودة أفضل.
آمل أن تنال الترجمة على رضاكم.
*مُناسب للمشاهدة العائلية ✓
الترجمة الإنجليزية مقدّمة من: Umechan
الاسم بالعربية: صباح الفراق.
الاسم بالإنجليزية: .A Morning of Farewell
النوع: دراما-طبي-إنساني.
تاريخ الإنتاج: 21 مايو 2021.
إخراج: Izuru Narushima.
كتابة: (الرواية) Emiko Hiramatsu
Kyoko Minami
بسبب ظروفٍ ما، تنتقل الطبيبة "ساواكو" إلى عيادة "ماهوروبا"
للرعاية المنزلية، وتواجه عدّة مصاعب أثناء زيارة المرضى في منازلهم
لكن سرعان ما أحبّت المكان واستشعرت دفئه.
إعلان الفلم على اليوتيوب
( 2 غيغا - جودة عالية جدًا 1080p)
MEGA - GoogleDrive
*للمزيد من الأعمال المُترجمة للممثلة "هيروسي سوزو"
يُمكنكم زيارة هذه الصفحة (هنا)
أحيانا لما بدخل عالمدونة وبكون محملة الفيلم من سنتين تقريبا بس اجى موعد مشاهدتي اله، ولما بدي اعلق ما الاقي حدا، اكيد فيه ناس حضروه، بس يا جماعة، كل هالمشاعر اللي في الفيلم، ولا تعليق عليها!!
ردحذفاتس اوكي، وسعولي الساحة، لانه عندي كلام كتير
أول اشي طبعا لازم احكي عن شخصية توري، اللي نفسي ما ادخل على أي عمل واحكي: مش طبيعي هادا الزلمة كتير مبدع، يبهرني في أبسط اشي بيعمله، كانه ما بتغلب بالتمثيل عنجد، لعبته الي يحترفها مهما كانت صعوبتها، الي اكتر واحد خلاني ابكي، وعلاقته مع الطفلة طبعا لا أتخطاها، ومشهد لما باع سيارته، اخ يا قلبي على حسرته وقهره، وانبسطت كتير لنهايته، بس عنجد زعلت من سوزو🥹، ما اعطته حضن، وهوا كمان كان نفسه، بس علاقتهم اللي بتربطهم مجرد أصدقاء عمل وعائلة مليانة حب، بس مش مشكلة عشان بحبهم
وكمان شغلة مهمة (انهم لطّفولي الأجواء بالذات لما حضرتهم في فيلم قمر متجول، كان تمثيلهم كتير رهيب بس القصة مستفزة) فهنا حكولي احنا هان حلوين وارجعي حبينا بزيادة
وانا طبعا بزيادة بحبهم، وقصة سوزو وكيف بترعى ابن اختها جدا حنونة عنجد، واحلى اشي لما حكت لتوري على طلعة البحر انه بدي أحاول اتخطى خوفي من السيارات، لانك انت اللي بتسوق😊🥹🌸 يا روحي انا على القلوب اللي طلعت من عيني
وهو مش عارف يرد، البريء حبيبي، ومشهد البحر جدا جلو، خصوصا كلام البنت معاه وهما في نص البحر، واحلى اشي في الفيلم كمان بما اني بحب فكرة الرعاية التلطيفية ونفسي اجربها لو أسبوع في حياتي، وغير انهم زكروني شوية في فكرة فيلم (All lives) وهنا كمان بيروحوا لاشخاص على وشك الموت، فهوا جوي وأجوائي بزيادة
صح ما اقتبست بس الفيلم كله يقتبس من المشاعر صراحة، ماخد وضعية هادية طول الفيلم وممكن الواحد يمل بس انا كنت جدا مستمتعة، وكانت بريك اخدته وسط ضغوطاتي حلو ومريح لمشاعري عنجد، وبدي احكي عن البطلة، اول مرة احضرلها بس عجبني تمثيلها، وبدي احكي كمان عن فلسفتها شوي، أتوقع المخرج ابدع انه خلاها كل شوية تبتسم، لانه هادا الاشي ممكن يزعج المرضى او اهاليهم في البداية، بس هي من طبيعة شخصيتها وحبها لتعالج المرضى بخليها تبتسم طول الوقت، حتى وهي بتحكي اشي حزين برضو بتبتسم، بخليكي تحكي يا الله ما احلى طاقتها، وعلاقتها مع ابوها جدا رائعة، وكتير زعلى على ابوها، وابدع وهوا بيتألم لدرجة انا ما قدرت اتحمل، وحسيت كاني انا اللي بتوجع
وما انسى صغيرتي اللي ما بعرف كيف هي كبيرة (يوريكو اشيدا) كيوت لدرجة هالممثلة، ورغم انه دورها صغير بس أعطت لمسة لطيفة عالفيلم
الفيلم انصح فيه أي حدا بدو يحيي مشاعر في داخله، ومشاعره تجاه الأشخاص
شكرا يا احلى محبة لسوزو... Raffalleo العسل 🌸💚
الترجمة رائعة كعادتك ^_^